E ardhmja e mbrojtësit Lumbardh Dellova mbetet ende e paqartë deri në fund të këtij muaji kur mbyllet afati kalimtar i verës.
Dellova është kthyer në stërvitje te CSKA e Sofjes, pas mungesës në stërvitjen e fundit dhe tashmë do të jetë në dispozicion të trajnerit Dushan Kerkez.
Megjithatë, përkundër faktit që është kthyer në stërvitje, Dellova mund të transferohet në Arabinë Saudite pasi negociatat me ekipin Al Najma janë duke vazhduar.
Mbetet të shihet nëse Dellova do të vazhdojë karrierën në Bullgari apo do të zhvendoset në Lindjen e Mesme.
