Ballkani dhe Suhareka, kanë marrë fitore të rëndësishme në kuadër të xhiros së pestë të Superligës së Kosovës në futboll.
Si Ballkani ashtu edhe Suhareka fituan me rezultatin identik 1:0.
Ballkani triumfoi në shtëpi ndaj Prishtinës, ndërsa Suhareka fitoi në udhëtim tek Ferizaj.
Në krye të Ballkanit debutoi trajneri Artim Pollozhani që startoi me fitore.
Golin e fitores për Ballkanin e shënoi Bernard Karrica në minutën e 82-të, kurse Suharekës fitoren ia siguroi Liridon Fetahaj që realizoi në minutën e 29-të.
Me këto fitore, si Ballkani ashtu edhe Suhareka kanë tubuar nga 10 pikë dhe prijnë në tabelë.
Prishtina, që regjistroi humbjen e parë këtë sezon mbetet në kuotën e 7 pikëve kurse Ferizaj ka 4 pikë të mbledhura.
