Nënkryetari i Partisë Demokratike të Kosovës, Abelard Tahiti, ka thënë se në krye të Radio Televizionit të Kosovës nuk u zgjidh një profesionist, por një militant i VV-së, raporton teve1.info
Përmes një reagimi në Facebook, Tahiri ka thënë se as kërkesat shoqërore për transparencë e meritokraci nuk e ndalën hovin e projektit të kapjes së RTK-së nga Qeveria Kurti.
“Në krye të RTK-së, nuk u zgjodh një profesionist por u emërua një militant politik nga radhët e Lëvizjes Vetëvendosje. As kërkesat shoqërore për transparencë e meritokraci dhe as thirrjet e asociacioneve ndërkombëtare e shoqërisë civile për mos politizim të transmetuesit publik, nuk e ndalën hovin e projektit të kapjes së RTK-së nga Qeveria e Albin Kurtit. Kapja dhe nënshtrimi i RTK-së nën direktivën e pushtetit, është një hap më tutje kundër fjalës së lirë dhe lirisë së medieve”, ka shkruar Tahiri.
