Për sindikatën e Bashkuar e Arsimit është e pranueshme vlera e koeficientit të pagë, ani pse sipas Sekretarit të SBASHK-ut, Ymer Ymeri pritjet kanë qenë më të mëdha dhe nuk janë të kënaqur me këtë vlerë, raporton teve1.info
Ymer Ymeri tha për teve1.info se me këtë vlerë të koeficientit, mësimdhënësve por edhe stafit tjetër në arsimin parauniversitar, paga iu rritet për rreth 100 euro në bruto.
“Sipas këtij koeficienti, i bie që një mësimdhënës e arsimit fillor të kenë pagë bruto rreth 588 euro. Ne Presim që koeficienti të rritet me rishikimin e Ligjit të Buxhetit por edhe me ndryshime në Kuvend. Pritjet tona kanë qenë më të mëdha, pra që vlera e koeficientit në pagë të jetë më e lartë, por që kjo shumë është e pranueshme”, tha Ymeri.
