Numri i Inspektorëve të cilët monitorojnë gjendjen në institucionet e arsimit është i ulët. Për këtë njohësit e arsimit po kërkojnë dyfishim të numrit të tyre që të shkeljet gjatë procesit mësimor të evitohen. Madje edhe Koalicioni i OJQ-ve për Mbrojtjen e Fëmijëve – KOMF kanë kërkuar shtimin e inspektimeve në kopshte pas rastit të 3-vjeçarit.
Dyshimet e ngritura nga familjarët që një 3 vjeçar është zvarritur e rrahur i alarmoi edhe inspektorët e arsimit.
Mëngjesin e së martës, ata zbarkuan në objektin e kopshtit “Gëzimi Ynë” për të hetuar rastin.
Por numri i inspektorëve të cilët merren me raste të tilla e kontrollim të procesit mësimor po konsiderohet shumë i ulët.
Andaj nga njohësit e arsimit kërkohet që numri i këtyre zyrtarëve të rritet në të gjitha shkollat e Kosovës.
E që raste të tilla të evitohen, Rinor Qehaja nga Instituti E Guard, kërkon që të krijohen mekanizma mbikëqyrës nga institucionet arsimore.
Që shkeljet në procesin mësimore të parandalohen edhe njohësi tjetri i arsimit Ismet Potera kërkon shtim të numri të inspektorëve.
Rritje të numrit të inspektimeve në kopshte e kanë kërkuar edhe nga Koalicioni i OJQ-ve për Mbrojtjen e Fëmijëve – KOMF.
KOMF bën thirrje që të intensifikohet monitorimi dhe inspektimi sistematik i kopshteve përmes inspektorëve dhe konsultimeve me prindërit në mënyrë që të parandalohen rastet e tilla.
Tëvë 1 ka kërkuar përgjigje edhe nga Ministria në lidhje me numrin e inspektorëve dhe mënyrën se kur bëhen inspektimet në institucionet parashkollore por nuk ka marrë përgjigje gjatë ditës.
Autore: Doresa Geci
