Në mesnatë skadon afati për zgjedhjen e presidentit sipas aktgjykimit të dhënë nga Gjykata Kushtetuese.
Ndonëse nuk ka ndonjë marrëveshje politike, Lëvizja Vetëvendosje planifikon të mbajë seancën për zgjedhjen e presidentit.
Këtë e ka thënë deputetja e kësaj partie, Arjeta Fejza në emisionin “Ditari” në Tëvë1.
Kryeministri i Kosovës, Albin Kurti njëherit kryetar i LVV-së në konferencën për media përmendi Bekim Sejdiun si kandidatë për president, kur kërkoi mbështetjen e PDK-së, të cilës ju zotua se do ta votojë në lexim të dytë Projektligjin për plotësim ndryshimin e Dhomave të Specializuara ditën enjte.
Por, këtë propozim e refuzoi PDK. Kryetari i kësaj partie Bedri Hamza tha se kjo parti ka pas qëndrim të qartë, duke kërkuar votimin në dy leximet e më pastaj bisedimet për presidentin.
Sa i përket Bekim Sejdiut, ai tha se PDK nuk ka pas marrëveshje për këtë kandidat dhe se ai ka qenë i propozuari i LVV-së dhe LDK-së.
Sejdiu pas kësaj njoftoi se ka dhënë dorëheqje nga ky post dhe për këtë ai tha se i ka njoftuar edhe Kurtin e Abdixhikun.
