Fundori i Bashkimit, Kyan Anderson ka fituar epitetin e basketbollistit më të mirë për javën e gjashtë të Superligës së Kosovës.
Federata e Basketbollit të Kosovës (FBK), të hënën ka njoftuar se Anderson është shpallur “MVP” i javës pas paraqitjes së mirë që e pati ndaj Pejës.
Bashkimi fitoi derbin ndaj Pejës, ndërsa Anderson ndeshjen e mbylli me 16 pikë, 6 kërcime e 8 asistime, duke u fituar fituar këtë çmim për herën e dytë këtë sezon.
Gjithashtu, Anderson është përfshirë edhe në Top 5-shen e javës, pjesë e të cilës është edhe bashkëlojtari i tij, Dequon Lake që realizoi 14 pikë e 7 kërcime.
Drilon Hajrizi është vendori i vetëm në këtë pesëshe, pasi shkëlqeu me 25 pikë, 7 kërcime e 6 asistime në triumfin e Trepçës ndaj Rahovecit 029.
Pesëshja kompletohet me dy amerikanët, Adrio Bailey e Tyler Cheese, që janë pjesë e Sigal Prishtinës, përkatësisht Borës.
Bailey regjistroi 25 pikë, 7 kërcime e 2 asistime në fitoren ndaj Vëllaznimit, ndërsa Cheese debutoi me 26 pikë, 3 kërcime e 2 asistime në triumfin kundër Golden Eagle Yllit.
