Fatmir Qollaku ka folur lidhur me rastin e vrasjes së Arlinda Zekajt, duke thënë se përgjegjësia për dështimet në këtë rast duhet të kërkohet te zyrtarët e institucioneve përkatëse.
Ai ka deklaruar se shteti ka ndërmarrë veprime për identifikimin dhe ndëshkimin e fajtorëve, por se disa hallka institucionale kanë dështuar në nivel individual.
“Nuk është se ka dështuar shteti, por kanë dështuar disa hallka si individë. Shteti është vënë në lëvizje për ta gjetur fajtorin e dështimit. Kanë dështuar zyrtarë në disa institucione”, ka thënë Qollaku për emisionin “Këndi I Debatit” në Tëvë1.
Qollaku ka kërkuar që secili zyrtar të mbajë përgjegjësi për veprimet e tij, duke theksuar se përgjegjësit duhet të përballen me drejtësinë nëse është e nevojshme.
“Secili duhet të japë llogari dhe të jetë i përgjegjshëm. Duhet të shkojë në burg, nëse është nevoja”, ka deklaruar Qollaku.
