Përkundër që është rikthyer bë stërvitje me ekipin e parë dhe paralajmërimeve se nuk do të largohet këtë verë nga Lille, Edon Zhegrova mbetet opsion i Marseillet deri në fund të afatit kalimtar.
Mësohet se Marseille nuk ka hequr dorë nga Zhegrova, i cili ka kontratë deri në vitin 2026 me Lillen dhe ka kohë që ka kërkuar largimin.
Duke pasur parasysh se Lille po kërkon të paktën 20 milionë euro për Zhegrovën, Marseille ka bërë gati një ofertë shkëmbimi për shërbimet e tij.
Marseille do ti ofrojë Lillet kartonin e sulmuesit kamerunas Faris Moumbagna dhe do të ofrojë rreth 15 milionë euro për transferimin e Zhegrovës.
Mbetet të shihet nëse Lille do të bindet nga kjo ofertë, duke pasur parasysh se Zhegrova vitin tjetër mund të largohet si lojtar i lirë.
