Sulmuesi i krahut, Kingsley Coman po largohet nga skuadra e Bayern Munchenit pas 10 sezoneve, kanë raportuar mediumet gjermane të hënën.
Transferimi i francezit në Arabinë Saudite, është konfirmuar edhe nga drejtuesit e Bayernit, duke bërë me dije se Coman brenda pak ditëve do të zyrtarizohet tek Al-Nassr.
Për kartonin e Comanit, Al-Nassr do të paguajë 35 milionë euro me bonuse kurse 29-vjeçari do të firmos kontratë deri në vitin 2028 me ekipin saudit me pagë vjetore prej 25 milionë eurosh.
Sezonin e shkuar, Coman shënoi 9 gola dhe bëri 6 asistime në 45 paraqitje në të gjitha garat për Bayernin, ndërsa tek Al-Nassr do të jetë bashkëlojtar me Cristiano Ronaldon.
Gjatë karrierës, Coman ka luajtur edhe për Juventusin e Paris Saint-Germainin kurse ka 58 paraqitje dhe 8 gola të shënuar me Kombëtaren e Francës.
