Pesë qytetarë shqiptarë që ndodheshin në Izrael për arsye turistike dhe profesionale janë larguar sot nga Izraeli në mënyrë të sigurt përmes Egjiptit.
Kështu ka bërë të ditur përmes një postimi në Facebook, ministri i Jashtëm i Shqipërisë, Igli Hasani, i cili tha se ata kanë gjendjen e mirë shëndetësore dhe priten të kthehen në Shqipëri.
Ministri ka falënderuar autoritetet izraelite, ambasadën greke, ambasadën bullgare në Tel Aviv, si dhe autoritetet egjiptiane.
“Largimi dhe kthimi i tyre u mundësua nga Ministria për Evropën dhe Punët e Jashtme, nëpërmjet ambasadave në Tel Aviv dhe Kajro.Falënderojmë autoritetet izraelite, Ambasadën Greke dhe Ambasadën Bullgare në Tel Aviv, autoritetet egjiptiane, si dhe Konsullin e Përgjithshëm të Shqipërisë në Liban për mbështetjen dhe bashkëpunimin e dhënë”, ka shkruar Hasani./teve1.info/
