Dy persona kanë mbetur të plagosur pas të shtënave me armë zjarri, mbrëmë në orët e vona në Ferizaj.
Të plagosur janë jashtë rrezikut për jetë, derisa të njëjtit janë plagosur me armë në këmbë.
Kështu bëri të ditur për teve1.info, mjeku kujdestar në Qendrën emergjencës në Spitalin e Ferizajt, Sefedin Fazliu, derisa shtoi se gjendja e tyre është stabile.
Ndërkohë, zëdhënësi i Policisë së Kosovës për rajonin e Ferizajt, Major Qazim Rek Reka ka bërë të ditur se lidhur me rastin është arrestuar një i dyshuar, derisa një tjetër është ende në kërkim.
“Ju njoftojmë se në ora 23:45 ka ndodhur një plagosje të dy personave në rrugën ’12 qershori’ afër kafiteris ‘Tempulli’. Janë marrë të gjitha veprimet policore, personat e plagosur janë dërguar në emergjencë në Ferizaj. Një herë sipas mjekut kujdestar, janë jashtë rrezikut për jetë, janë plagosur në këmbë”, tha ai.
Plagosja e dy personave në Ferizaj, arrestohet një i dyshuar
