Një person është arrestuar nga Policia e Kosovës, pasi që i njëjti dyshohet se ka plagosur dy persona me armë zjarri, mbrëmë në orët e vona në Ferizaj.
Lajmin për teve1.info e ka konfirmuar zëdhënësi i Policisë së Kosovës për rajonin e Ferizajt, Major Qazim Reka, i cili bëri të ditur se personat e plagosur janë dërguar në Emergjencën e Ferizajt.
Ndërkohë, sipas raportit mjekësor, dy të plagosurit janë jashtë rrezikut për jetë.
Ndërkaq, lidhur me rastin Reka thotë se edhe një i dyshuar është në kërkim.
“Ju njoftojmë se në ora 23:45 ka ndodhur një plagosje të dy personave në rrugën ’12 qershori’ afër kafiteris ‘Tempulli’. Janë marrë të gjitha veprimet policore, personat e plagosur janë dërguar në emergjencë në Ferizaj. Një herë sipas mjekut kujdestar, janë jashtë rrezikut për jetë, janë plagosur në këmbë”, tha ai./teve1.info/
