Të mërkurën Real Madridi kërkoi ndjesë pasi sulmuesi francez i skuadrës, Kylian Mbappe, shkaktoi reagime të ashpra për shkak të komenteve të tij, në të cilat e quajti udhëheqësin e ndjerë kinez, Mao Ce Dun, “diktator”.
“Real Madridi dëshiron t’i kërkojë ndjesë popullit kinez për çdo shqetësim të shkaktuar nga fjalët e fundit të lojtarit tonë, Kylian Mbappe”, shkruan në deklaratën e klubit.
“Klubi ynë ka respekt të thellë për Kinën, historinë, kulturën dhe qytetarët e saj, si dhe për miliona tifozë kinezë që ndiejnë dashuri dhe admirim për Real Madridin”, shkruan tutje në deklaratë.
Kompani të mëdha kineze tashmë kanë ndërprerë bashkëpunimin me Mbappen, pas komenteve të tij.
