Hamasi është “afër arritjes së një marrëveshjeje armëpushimi” me Izraelin, tha lideri i Hamasit, Ismail Haniyeh në një deklaratë të postuar në Telegram.
Haniyeh nuk dha detaje shtesë rreth marrëveshjes së mundshme, raporton CNN.
Deklarata e Hamasit mbështet pohime të ngjashme nga Shtëpia e Bardhë. Zëdhënësi i Këshillit të Sigurisë Kombëtare, John Kirby, tha të hënën se negociatorët po “ po i afrohen fundit ” për lirimin e pengjeve të mbajtura nga Hamasi – por ai nuk pranoi të shtjellonte detajet e një marrëveshjeje të mundshme.
Ditët e fundit, burime i thanë CNN se një marrëveshje e mundshme për të siguruar lirimin e disa pengjeve dhe një pauzë e përkohshme në luftime mund të jetë në horizont, pas javësh negociatash midis Shteteve të Bashkuara, Izraelit dhe Hamasit, të ndërmjetësuara nga shteti i Gjirit, Katari.
