Presidentja Kosovës, Vjosa Osmani, tha se sulmi terrorist i 24 shtatorit të Banjskë të Zveçanit,ë shtë tregues se Serbia nuk është e interesuar për paqe të qëndrueshme, fqinjësi të mirë e as përmbyllje të procesit të dialogut me Kosovën, raporton teve1.info
Në fjalimin vjetor të saj para deputetëve të Kuvendit të Kosovës, osmani tha se ky vit ishte vit i ballafaqimit me vështirësi të mëdha, në veçanti në fushën e sigurisë.
“Një grup terroristë e paramilitarë i fuqizuar e mbështetur nga Serbia e mbi të gjitha urdhëruar nga kreu i këtij shteti kishin për qëllim që të aneksohet veriu i Kosovës. Në këtë ditë Kosova u përball me një agresor tinëzar në veprim por të dukshëm në ambicie, me synimin e qartë të cenimit e themelit të shtetit tonë, të Republikës për të cilën ranë shumë dëshmorë në breza”, tha Osmani.
Ajo para deputetëve të Kuvendit të Kosovës shtoi se ky sulm është vazhdim i planeve hegjemoniste i cili sipas Osmanit e ekspozoi fytyrën e vërtetë të fqinjit verior, ëndërr e përhershme e të cilit mbetet realizmi i konceptit fashit të botës serbe.
“Në këtë kohë kur është sfiduar drastikisht siguria, plani i destabilizimit të Kosovës dhe rajonit mori përgjigjen e merituar. Ata vranë Afrim Bunjakun, por mobilizuan mijëra djem e vajza nga radhët e Policisë së Kosovës të cilët po atë ditë dhanë mesazh të qartë, Kosova nuk zmbrapset, Kosova nuk thyhet, Kosova do ti mbroj kufijtë e saj në çdo cep dhe me çdo kusht”, tha Osmani.
Presidentja Osmani shtoi se askush dhe asgjë nuk do ta largoj Republikën e Kosovës nga aspiratat e përpjeka e çdoditshme vendi të bëhet i sigurt dhe i dinjitetshëm për të gjithë qytetarët e saj.
“Banjska është vetëm një paralajmërim që Serbia nuk heq dorë nga planet e saj të errëta. Serbia me veprime të tilla po e godet gjithë Evropën sepse po punon me qëllim që ta godasin gjithë Evropën nëpërmjet destabilizimit ë Ballkanit Perëndimor”, u shpreh ndër të tjera Osmani.
