Nesër, më 24 korrik 2025, dy nga xhudistët elitar të Federatës së Xhudos së Kosovës, Laura Fazliu (-63kg) dhe Dardan Cena (-73kg), do të përfaqësojnë vendin tonë në arenën ndërkombëtare në kuadër të Lojërave Universitare Botërore që po mbahen në Rhine-Ruhr, Gjermani!
Këto gara prestigjioze të organizuara nga FISU kanë nisur më 16 korrik dhe do të zgjasin deri më 27 korrik 2025. FISU promovon sportin universitar si mjet për zhvillim personal, shëndet dhe gjithëpërfshirje për studentët anembanë botës.
“Nën udhëheqjen e trajnerit Fatos Tabaku, Laura dhe Dardani janë gati të ngrenë lart flamurin e Kosovës edhe në këtë nivel të lartë të garave universitare! Pjesëmarrja e Laurës dhe Dardanit në këtë ngjarje është realizuar në bashkëpunim me Federatën e Sportit Universitar të Kosovës”, ka shkruar Federata e Xhudos e Kosovës.
