Futbolli austriak është tronditur nga një lajm i rëndë: ish-portieri i kombëtares së Austrisë, Alexander Manninger, ka vdekur në mënyrë tragjike.
Sipas raportimeve, 48-vjeçari e humbi jetën sot pas një aksidenti me një tren lokal në Salzburg, përcjell “Gazeta Express”.
Manninger ishte një figurë e njohur e futbollit austriak dhe ndër portierët më të respektuar të brezit të tij.
Ai e nisi karrierën te Austria Salzburg, ndërsa në vitin 1997 bëri histori duke u bërë lojtari i parë austriak që transferohej në Premier League, te Arsenali.
Gjatë kohës së tij në Angli, ai i regjistroi 39 paraqitje dhe e fitoi titullin kampion dhe FA Cup në sezonin 1997/98.
Karriera e tij vazhdoi kryesisht në Itali, ku luajti për disa klube, përfshirë Juventusin dhe Sienan.
Në fund të karrierës, ai ishte pjesë edhe e Liverpoolit.
Në nivel ndërkombëtar, Manninger i zhvilloi 33 ndeshje me kombëtaren e Austrisë dhe ishte pjesë e skuadrës në Euro 2008, ku shërbeu si portier rezervë.
Vdekja e tij e ka lënë një boshllëk të madh në futbollin austriak dhe ka shkaktuar reagime të shumta pikëllimi në botën e sportit.
