Ndërsa, në deklaratën e Shtabit të Përgjithshëm të Forcave të Armatosura të Ukrainës, komandantët e njësive të vendosura në fabrikën masive të çelikut “Azovstal” janë urdhëruar “të shpëtojnë jetën e personelit të tyre”, raportoi CNN-i të martën.
Teksa zëvendësministrja e Mbrojtjes e Ukrainës, Hanna Malyar, operacionin e evakuimit e përshkroi duke e vënë në dukje se disa forca ukrainase mbetën në Azovstal.
“Pesëdhjetë e tre persona të plagosur rëndë u evakuuan nga Azovstali në një institucion mjekësor në Novoazovsk për kujdes mjekësor, 211 persona të tjerë u dërguan në Olenivka përmes korridorit humanitar”, tha ajo.
Ndërkohë, presidenti ukrainas, Volodymyr Zelensky falënderoi ushtrinë dhe negociatorët ukrainas.
“Ukraina ka nevojë për heronjtë ukrainas të gjallë. Dita e 82-të e mbrojtjes sonë po përfundon. Një ditë e vështirë. Por kjo ditë, si gjithë të tjerat, synon pikërisht shpëtimin e vendit dhe popullit tonë”, tha Zelensky.
