Turqia dënoi sulmin terrorist vdekjeprurës që ndodhi në një xhami në qytetin qendror sirian të Homsit gjatë namazit të xhumasë.
“Kërkojmë mëshirën e Allahut për ata që humbën jetën në sulm dhe shprehim ngushëllimet tona Qeverisë dhe popullit të Sirisë”, thuhet në një deklaratë të Ministrisë së Jashtme turke.
Deklarata riafirmoi se Ankaraja qëndron me Sirinë, e cila vazhdon të “ruajë vendosmërinë e saj për të forcuar stabilitetin, sigurinë, unitetin dhe solidaritetin e saj pavarësisht të gjitha provokimeve”.
Tetë persona humbën jetën dhe 18 të tjerë u plagosën në sulmin me bombë të kryer gjatë namazit të xhumasë në xhaminë Ali Talip në qytetin Homs, në pjesën qendrore të Sirisë.
