Ish kryenegociatorja e dialogut në mes të Kosovës dhe Serbisë, Edita Tahiri, ka thënë se është e pakuptimtë sipas saj zvarritja e hetimeve rreth sulmit të Banjskës dhe mosndëshkimi i Serbisë, raporton teve1.info
Përmes një shkrimi në Facebook, Tahiri tha se është e befasuar nga Shtetet e Bashkuara të Amerikës pasi sipas saj Bashkimit Evropian i duhen muaj për marrjen e një vendimi.
“Po vazhdon retorika irrituese e partnerëve ndërkombëtar rreth hetimeve të rastit të Banjskes ndërkohë që Serbia ende nuk u ndëshkua! E pakuptimtë kjo zvarritje përkundër avancimeve teknologjike, incizimeve satelitore dhe Inteligjencës artificiale! Po më befason SHBA-ja-sa për BE i duhen muaj të tëra derisa merr vendim në mungesë të unitetit në politikën e jashtme! Kjo nuk është vetëm irrituese por edhe e rrezikshme…”, u shpreh Tahiri.
