Komisioni i Pavarur i Medias i ka ndaluar Listës Serbe transmetimin e videos së fushatës, pasi sipas tyre përdorimi i frazave “si ta durojmë terrorin…” dhe “le ta rivendosim lirinë” shkel rendin kushtetues të Kosovës, njoftoi nënkryetari i Listës Serbe, Igor Simiç.
Ai ka kundërshtuar këtë vendim.
“Sapo jemi informuar nga mediat që mbulojnë fushatën zgjedhore se edhe një herë, në ciklin e fundit zgjedhor, përdorimi i videos së Listës Serbe është ndaluar. Këtë herë, Komisioni i Pavarur i Medias është përfshirë drejtpërdrejt në një fushatë politike, duke shkelur ligjet e veta”, tha Simiç.
“Përmbajtja e videos politike, e transmetuar duke përdorur fjalët: “si ta durojmë terrorin” dhe “le ta rivendosim lirinë”, janë shprehje që janë në kundërshtim me rendin kushtetues të Kosovës”, thuhet nga KPM.
Simiq shtoi se ky është presion i drejtuar ndaj Listës Serbe.
“Kjo përfaqëson presion ndaj Listës Serbe dhe po ushtrohet ndaj subjektit tonë politik, të gjitha me qëllim që të na dekurajojnë nga fitorja e zgjedhjeve më 12 tetor dhe t’ia sjellim ato popullit serb dhe të çlirojmë përsëri komunat në veri”, ka thënë ai ndër të tjera, raporton Kosovo-online.
