Shkëndija e Tetovës kaloi në rrethin e dytë të kualifikimeve për Ligën e Kampionëve, atje ku e pret ekipin rumun Steaua nga Bukureshti.
Kampionët e Maqedonisë e elimininuan TNS-në e Uellsit për të lënë takim me rumunët.
Por të hënën më 21 korrik, UEFA-ja do të hedhë shortin për rrethin e tretë kualifikues dhe aty, nëse Shkëndija kualifikohet mund të takohet me Cërvena Zvezdën e Beogradit.
“Një ndeshje me rrezik të lartë mund të luhet së shpejti në Beograd. Gjithçka do të dihet të hënën kur të hidhet shorti në selinë e UEFA-s.
Ka disa çifte të vështira që mund të shkaktojnë dhimbje koke si për Beogradin ashtu edhe për UEFA-n, kryesisht për sa i përket organizimit të ndeshjes”, kanë shkruar mediat në Serbi dhe Bosnjë e Hercegovinë.
Shkëndija është një ekip shqiptar nga Maqedonia e Veriut dhe tifozët e tyre janë shqiptarë”, shkruan mediumi boshanjak “Sportsport”. “Ata vijnë nga Tetova dhe luajnë ndeshjet e tyre evropiane në Shkup, ku kishte disa mijëra prej tyre të martën në mbrëmje ku eliminuan ekipin TNS nga Uellsi.
Një ndeshje eventuale midis Cërvena Zvezdës së Beogradit dhe Shkëndijës do të ishte sigurisht një duel me rrezik të lartë, veçanërisht pasi ekipi nga Maqedonia ka një bazë të fortë tifozësh dhe ata me siguri do të planifikonin që të shkonin në Beograd”, shkruan më tej portali boshnjak.
