Ftesën nga Bashkimi Evropian e morën për takim trepalësh.
Mirëpo të martën në Bruksel, kryenegociatori i Kosovës, Besnik Bislimi dhe ai i Serbisë, Petar Petkoviqi nuk u takuan.
Të dy ata zhvilluan takime vetëm me emisarin e BE-së për dialogun Kosovë-Serbi, Miroslav Lajcak.
E sipas zëvendëskryeministrit Bislimi, Serbia është ajo që refuzoi.
Bislimi foli edhe për temat që janë diskutuar në takim.
Ai foli edhe për kërcënimet e presidentit serb, Aleksandër Vuciq, mirëpo si shqetësim e pa mos reagimin ndërkombëtar.
Pas Bislimit, medieve iu drejtuar edhe Petar Petkoviqi.
Sipas tij, Serbia kërkon zgjerimin e territorit të Mitrovicës së Veriut si parakusht për hapjen e urës.
“Ne kërkojmë respektimin e marrëveshjes, ku insistojmë demarkimin në zonën e Suhodollit si parakusht për hapjen e urës”, tha ai.
Detaje se kush e refuzoi takimin nuk dhanë Bashkimi Evropian.
Emisari i BE-së, Miroslav Lajcak përmes X tha se është për keqardhje që nuk u trajtuan çështjet urgjente në një takim trepalësh.
“Kam pritur dy kryenegociatorët e Kosovës dhe Serbisë dhe delegacionet e tyre për takime ndaras në Bruksel sot. Për keqardhje që nuk iu trajtuam çështjet më urgjente në një format trepalësh sot. Unë mbeten në dispozicion të palëve dhe do të vazhdojmë në javët në vijim”.
Tash e një vit në Bruksel nuk ka pasur takime në mes kryeministrit të Kosovës, Albin Kurti dhe presidentit të Serbisë, Aleksandar Vuçiq.
