Ministria gjermane e Punës ka deklaruar se pensionet do të rriten për 5.35% në ish-Gjermaninë Perëndimore nga 1 korriku, ndërkaq për 6.12% në ish-Gjermaninë Lindore. Vitin e kaluar nuk ka pasur rritje në Perëndim, ndërkaq në Lindje është shënuar një rritje prej 0.72%, për shkak të goditjes së ekonomisë nga pandemia me COVID-19.
“Për shkak se ne arritëm ta mbajmë tregun e punës të qëndrueshëm në krizën me koronavirus, financimi i sistemit të pensioneve është në gjendje të mirë dhe rritja e madhe është e mundur”, u shpreh ministri i Punës, Hubertus Heil.
Gjithashtu tha se 21 milionë pensionistë gjermanë, të cilët kanë kontribuuar në Gjermani duke punuar gjatë gjithë jetës së tyre, do të përfitojnë nga ky vendim.
Rritja e pensioneve gjermnane ka të bëjë në përgjithësi me zhvillimet e pagave.
