Sipas një komunikate për medie, osmani këto deklarime i bëri gjatë takimit me Grupin e Miqësisë Austri- Kosovë të kryesuar nga eurodeputeti Lukas Mandl.
“U diskutua edhe për procesin e dialogut me Serbinë, teksa Presidentja Osmani potencoi obstruksionet e Serbisë në procesin e dialogut, duke e penguar dialogun dhe duke u përpjekur që nëpërmjet përdorimit të bandave kriminale në veri ta destabilizojë jo vetëm Kosovën. Në këtë frymë, Presidentja Osmani theksoi se Kosova është e përkushtuar për kontribut për paqen dhe stabilitetin e vendit dhe rajonit, në koordinim me aleatët”, thuhet në komunikatën e Presidencës.
Sipas njoftimit, Osmani ka kërkuar nga Austria në rrugëtimin euroatlantik të Kosovës.
“Presidentja Osmani shtoi Kosova ka nevojë për mbështetje të mëtejme nga partnerët për anëtarësim në Këshillin e Evropës dhe organizata të tjera ndërkombëtare, sepse avancimi i Kosovës në arenën ndërkombëtare sjellë më shumë stabilitet e prosperitet për të gjithë qytetarët, pa dallim”, thuhet në komunikatë.
Sipas njoftimit, në takim u diskutua edhe për mundësitë e rritjes së bashkëpunimit ndërmjet Kosovës dhe Austrisë, ku presidentja Osmani përmendi potencialin ekonomik që ka Kosova si dhe mjedisin e favorshëm për investitorët e huaj.
“Politika e jashtme, arsimi, shëndetësia dhe shkëmbimi tregtar u përmendën në kontekst të thellimit të bashkëpunimit të Kosovës me Austrinë”, thuhet ndër ët tjera në komunikatë.
