Policia e Kosovës ka ndaluar një furgon në fshatin Novosellë, i cili dyshohej për kontrabandë me mallra.
Pas kontrollit ka konstatuar se në furgon kishte të ngarkuar mallra të ndryshme të sjella nga Evropa si dhomë gjumi, orendi kuzhine, një televizor, gjashtë telefona, enë kuzhine dhe pajisje të tjera shtëpiake me vlerë të konsiderueshme.
“Bazuar në dyshimet e arsyeshme, dyshohet se malli i gjetur është futur në territorin e Republikës së Kosovës përmes rrugëve ilegale, me qëllim përfitimi personal ose në dobi të një personi tjetër. Me urdhër të prokurorit kujdestar, rasti është cilësuar si ‘kundërvajtje doganore’, ndërsa malli i sekuestruar i është dorëzuar Doganës për vlerësim dhe procedim të mëtejshëm”, njoftoi policia.
Furgoni është sekuestruar, pasi drejtuesi i tij po voziste automjetin gjatë periudhës së ndalimit të patentë-shoferit.
