Ka nisur sukseshëm sot Kampionati Evropian i xhudos në Tbilisi të Gjeorgjisë garojnë 400 xhudistë nga 46 vende të ndryshme.
Në mesin e tyre janë natyrisht edhe xhudistët e Kosovës.
Fatjona Kasapi në kategorinë deri 52 kilogramë ka startuar me fitore ndaj bullgares Gabriela Dimitrova.
Fatjona ka dominuar plotësisht, ndërsa fitoi me “Yuko”.
Pas saj garon Erza Muminoviq në 48 kg.
Distria Krasniqi, si bartëse e parë në 52 kg, është e lirë në xhiron e parë dhe fillon garimin prej xhiros së dytë.
Të premten garojnë edhe Laura Fazliu, Akil Gjakova e Dardan Cena.
