Në margjina të Konferencës së Sigurisë në Mynih, kryeministri i Kosovë, Albin Kurti, ka zhvilluar një takim me sekretarin e Shtetit për Punë të Brendshme të Gjermani, Hans-George Engelke.
Gjatë takimit, Engelke e ka uruar Kurtin për formimin e qeverisë së re, ndërsa palët kanë diskutuar për zhvillimin ekonomik dhe progresin demokratik të Kosovës.
Zyra e Kryeministrit ka njoftuar se në fokus të bisedës kanë qenë edhe mundësitë për thellimin e bashkëpunimit bilateral, veçanërisht në fushën e sigurisë dhe luftës kundër krimit.
Po ashtu, është bërë e ditur se është diskutuar edhe për çështje që lidhen me qytetarët e Kosovës në diasporë, përfshirë trajtimin e statusit të tyre shtetëror.
Sipas njoftimit, statusi i qytetarëve të Kosovës është sqaruar në mënyrë që ata të mos konsiderohen më si shtetas të Serbisë, megjithatë janë evidentuar ende disa raste me problematika të ngjashme, për të cilat pritet bashkëpunim i mëtejmë ndërinstitucional. /teve1.info/
