Sipas Kurtit, nuk mjafton vetëm rimëkëmbja dhe përballja me këtë dukuri, e cila sipas tij ka filluar të shpeshtohet në Kosovë.
“Dëmtimi i lumenjve nga eksploatimi, mbeturinat, prerja ilegale e pyjeve, sistemet joadekuate të kanalizimeve, planifikimi jo i duhur i infrastrukturës i kanë shpeshtuar përmbytjet në vendin ton. Karshi këtyre duhet të bëjmë edhe vlerësim të sjelljes sonë karshi natyrës. Duhet edhe hetim për veprimet e jashtëligjshme në dëm të ekosistemit. Nuk mjafton rimëkëmbja nëse ajo përsëritet, duhet ndërgjegjësim dhe mobilizim”, tha Kurti.
Ai tha se Qeveria do t’u dalë në ndihmë komunave, familjeve e bizneseve të prekura duke u qëndruar pran dhe se ndihma nga Qeveria nuk do të mungoj.
Kurti përmendi institucionet që i dolën në ndihmë qytetarëve të prekur nga vërshimet si: FSK-në, Policinë e Kosovës, Agjencinë për Menaxhimin e Emergjencave, kompanitë rajonale të ujësjellësve e qytetarë vullnetarë.
Kurti tha se familjeve të cilat kanë pësuar dëme nga vërshimet u janë siguruar shtretër, batanije, ushqim e veshmbathje.
“Reagimi i institucioneve ka qenë i shpejtë. Për fat të mirë pasojat janë vetëm materiale”, u shpreh Kurti.
