Kryeministri në detyrë i Kosovës, Albin Kurti ka zhvilluar takim me kryeministrin e Belgjikës gjatë qëndrimit të tij në Shtetet e Bashkuara të Amerikës.
Ai ka thënë se në këtë në takim kanë diskutuar për mundësitë e reja të bashkëpunimit, duke thënë se Belgjika është partnere e Kosovës në rrugën drejt anëtarësimit në BE e NATO.
“Brukseli është qendra e Bashkimit Evropian dhe NATO-s. Belgjika është partnere e jona për rrugën tonë në Bashkimin Evropian dhe NATO. Në vitin 2023, Belgjika ngriti zyrën e saj diplomatike në Kosovë në nivel të Ambasadës. Sivjet ajo njoftoi se do të mirëpresë atasheun e mbrojtjes së Kosovës, kurse dy muaj më parë Ministria jonë e Mbrojtjes dhe Ministria e Mbrojtjes së Belgjikës nënshkruan Deklaratën e Qëllimit të Përbashkët në fushën e mbrojtjes. Me kryeministrin belg, Bart De Ëever, në takimin tonë të parë bilateral, folëm për mundësitë e reja që shtojnë shkëmbimet, thellojnë bashkëpunimin dhe forcojnë raportet tona”, ka shkruar Kurti.
