Rinor Grajqevci është zgjedhur kryetar i klubit të basketbollit Prishtina.
Në Kuvendin Zgjedhor të mbajtur të enjten, Grajqevci mori mbështetje të plotë nga delegatët e klubit bardhekaltër.
“Në këtë kuvend, me të gjitha votat ‘Pro’, asnjë kundër dhe abstenim, z. Rinor Grajqevci u zgjodh president i klubit, për katër vitet e ardhshme. Me organizim, përkushtim dhe unitet, klubi ynë synon të vazhdojë rrugën e rikthimit si klubi më i trefeshëm dhe suksesshëm shqiptar. Falënderojmë të gjithë ata që ishin pjesë e Kuvendit për mbështetjen dhe besimin e dhënë, ndërsa presidentit të ri i urojmë shumë suksese në detyrën e tij”, shkruan në njoftimin e KB Prishtina.
Grajeqvci ishte ushtrues detyre i kryetarit të Sigal Pristinës. Grajqevci ishte udhëheqës i tifo-grupit “Plisat”.
