Ajo këto deklarime i bëri para deputetëve të Komisionit për Ekonomi, Industri, Ndërmarrësi e Tregti, ku ishte e ftuar të raportonte lidhur me vendimin për lirimin nga obligimi për rentën minerare për ndërmarrjen “Ferronikeli”.
“Me një vendim nga Kuvendit të Kosovës unë jam zgjedhur kryesuese e bordit. Anëtarët e bordit, Rrezarta Pushkolli, Gani Maliqi, Gani Kastrati, më kanë ndërprerë marrëdhënien e punës, këta në mënyrë të kundërligjshme po vazhdojnë po marrin vendime, ma kanë ndalur edhe pagën, unë kërkoj që ju ta vini drejtësinë në vend, e kam vendimin e Kuvendit”, tha ajo.
Kurse anëtari i Bordit, Gani Maliqi, e pati një arsye përse e kanë shkarkuar nga puna Grajqevci-Pllanën.
“Unë sot jam përgatit për debatin për “Ferronikelin” për herë të parë jam para bordit, neve na ka ardh një shkresë nga kryetari i Kuvendit, Glauk Konjufca për të vazhduar me procedurat për shpallje të konkursit, ne nuk kemi mbajt mbledhje por drejtorit i skadonte mandati dhe kemi qenë të detyruar qa ta mbajmë mbledhjen”, tha Maliqi.
Ndërsa, anëtari tjetër i Bordit, Jahir Gashi, tha se distancohet nga vendimi i kolegëve të tyre për largimin e kryesueses.
“Unë distancohem nga vendimi i tre kolegëve, për mua zonja Selvete është kryesuese e bordit ” tha ai./EO/
