Komandanti i KFOR-it, gjeneralmajor Ozkan Ulutash është takuar sot me ambasadorët e vendeve të QUINT-it në Kosovë.
NATO ka bërë të ditur se në këtë takim është diskutuar mbi shumë tema, përfshirë aktivitetet e KFOR-it dhe përpjekjet për siguri të qëndrueshme.
“Komandanti i misionit të KFOR-it të udhëhequr nga NATO, gjeneralmajor Ozkan Ulutash, u takua me ambasadorët e grupit të QUINT-it, ambasadorin e Francës Olivier Guerot, ambasadorin e Gjermanisë H.E. Jorn Rohde, ambasadorin e Italisë Antonello De Riu, ambasadorin e Mbretërisë së Bashkuar Nicholas Abbott dhe ambasadorin e Shtetet e Bashkuara të Amerikës, Jeffrey Hovenier, dhe me ambasadorin e Turqisë në Kosovë Sabri Tunç Angılı dhe përfaqësuesin special të Bashkimit Evropian në Kosovë Tomas Szunyog., thuhet në njoftim.
“Pjesëmarrësit shkëmbyen mendime mbi një sërë temash, duke përfshirë aktivitetet e KFOR-it nën mandatin e tij dhe përpjekjet e tij të vazhdueshme për sigurinë në mbështetje të dialogut të lehtësuar nga BE-ja ndërmjet Beogradit dhe Prishtinës, drejt paqes dhe sigurisë së qëndrueshme që respekton të drejtat e të gjithë njerëzve”./teve1.info/
