Madje, Zulfaj përmendi ndalimin e mbajtjes së zgjedhjeve serbe në veri, ndalimin e mbajtjes së referendumit të Serbisë në territorin e Kosovës dhe reciprocitetin me targa dhe dokumente.
“Situata pa dyshim që është e brishtë dhe ne e njohim këtë karakter të situatës, mirëpo është e pamohueshme që në këto dy vite është bërë shumë për integrimin e veriut duke i ndal disa praktika të dëmshme çfare ishin, mbajtja e zgjedhjeve të Serbisë brenda territorit të Kosovës të cilën ne e kemi ndryshuar këtë praktikë me zgjedhjet e prillit të cilat synoheshin të mbaheshin në Kosovë pa e cenu të drejtën e shtetasve me dy shtetësi, e kemi mundësuar votimin në zyrën ndërlidhëse në Prishtinë. Pra kjo ishtë e mundshme dhe kjo është bërë, u ndalua edhe referendumi të cilin më 15 janar kishim Rezolutën e Kuvendit për moslejim të mbajtjes… Pastaj kishim reciprocitetin me targa ku ne vendosëm targat e përkohshme fillimisht në të cilin ju e dini reagimin e Serbisë në ato kohë edhe me barrikada, të cilat u patën vendosë e të cilat dërguan asgjë më pak sesa te regjimi i stikersave ku ka reciprocitet në targa. Pra nuk ka më simbole të Serbisë, në kufi ka reciprocitet në targa”, tha ai në emisionin “Këndi i Debatit”. Në Tëvë1.
Teksa sipas tij, gjatë këtij mandati të Qeverisë ka pasur progres edhe në çështjen e reciprocitetit edhe në dokumente për të cilën ai tha se ishte e mundur por nuk ishte bërë më herët./teve1.info./
