Izraeli ka njoftuar se do të rihapë pikën kufitare Rafah të Gazës me Egjiptin në të dy drejtimet duke filluar nga e diela, duke lejuar lëvizje të kufizuar të njerëzve, pas dy vitesh mbyllje.
Ushtria izraelite tha se masa vjen në kuadër të marrëveshjes së armëpushimit në Rripin e Gazës së rrethuar.
“Në përputhje me marrëveshjen e armëpushimit dhe direktivën e skalonit politik, pika kufitare Rafah do të hapet këtë të diel (1 shkurt) në të dy drejtimet vetëm për lëvizje të kufizuar të njerëzve”, tha ushtria izraelite, transmeton Anadolu.
Ushtria shtoi se dalja dhe hyrja në Gaza përmes pikës kufitare do të koordinohet me Egjiptin dhe do t’i nënshtrohet lejes paraprake të sigurisë nga Izraeli, nën mbikëqyrjen e një misioni të Bashkimit Evropian (BE).
Ushtria gjithashtu tha se rihapja do të mundësojë kthimin e banorëve që u larguan nga Gaza gjatë luftës, pas koordinimit me Egjiptin dhe pas marrjes së miratimit të sigurisë nga Izraeli.
Deri më tani nuk ka pasur komente nga autoritetet palestineze apo egjiptiane lidhur me këtë çështje.
