Mario Suarez ka vendosur të varë këpucët në gozhdë. Ish-mesfushori i Atleticos së Madridit dhe Fiorentinës ka njoftuar tërheqjen e tij nga futbolli profesionist në moshën 36-vjeçare. Këtë e ka bërë me një mesazh në rrjetet e tij sociale.
“Faleminderit për gjithçka, tani fillon një fazë e re. Nëntë ekipe, gati njëzet vjet futbollist profesionist, më shumë se 500 ndeshje.
Më kujtohet ende kur isha fëmijë dhe prindërit e mi më inkurajuan të provoja në Alcobendas, ku takova trajnerin tim të parë të madh, Lucas…
Pata fatin të luaja në të gjitha kategoritë e të rinjve në vendin tim dhe të fitoja një Kampionat Evropian U-19…, shkruan Suarez.
Përvoja e fundit e Mario Suarezit ishte në sezonet 2019-2023 te Rayo Vallecano, ku në 91 ndeshje shënoi 11 gola.
