Anëtari i LDK-së, Lutfi Haziri, tha se Asociacioni është kompetencë e institucioneve shtetërore të Kosovës, në radhë të parë të Qeverisë, raporton teve1.info
Hairi këto deklarime i bëri pas takimit në Ambasadën e Amerikës, i cili u mbajt të martën për të diskutuar rreth këtij dokumenti.
Përmes një statusi në Facebook, Haziri ka shkruar se orientimi i LDK-së është për një marrëveshje përfundimtare, ligjërisht të obligueshme, me njohje reciproke në thelb,
“Me ftesë të ambasadorit të SHBA-së në Kosovë, shkëlqesisë së tij Jeffrey Hovenier, sot kam marrë pjesë në emër të LDK-së në takim në të cilin konfirmova mbështetjen për procesin e dialogut të ndërmjetësuar nga BE-ja, me përfshirjen e plotë të SHBA-së.
Orientimet e LDK-së për një marrëveshje përfundimtare, ligjërisht të obligueshme, dhe me njohjen reciproke në thelb të saj, mbesin të pandryshueshme.
Në lidhje me Asociacionin, LDK-ja vlerëson se kjo çështje është kompetencë dhe përgjegjësi kushtetuese vetëm e institucioneve të Republikës së Kosovës, në radhë të parë e Qeverisë”, ka shkruar Haziri.
