Pas Real Betisit edhe një ekip tjetër është tërhequr nga gara për shërbimet e mesfushorit Kristjan Asllanit.
Bëhet e ditur se Fiorentina ka bërë hap prapa për Asllanin për shkak të çmimit të lartë që Interi ka vendosur për kartonin e tij.
Interi po kërkon të paktën 20 milionë euro për Asllanin, të cilin tashmë e ka nxjerrë në shitje derisa Fiorentina kishte ofruar 15 milionë euro.
Pas tërheqjes së Fiorentinës, vetëm Bologna ka mbetur e interesuar për Asllanin por që ende nuk ka bërë ofertë zyrtare.
Interi nuk llogarit në Asllanin edhe pse 23-vjeçari ka kontratë deri në verën e vitit 2028.
