Një ditë pasi Federata Shqiptare e Futbollit, në krye me Armand Dukën e nominoi edh për një mandat tjetër në krye të UEFA-së, Presidentin aktual Aleksandar Çeferin, mbështetje i ka dhënë edhe ai i futbollit të Kosovës.
Komiteti Ekzekutiv i Federatës Shqiptare të Futbollit, në mbledhjen e djeshme shqyrtoi dhe miratoi unanimisht propozimin e Presidentit Armand Duka lidhur me kandidaturën që FSHF-ja do të mbështesë për postin e Presidentit të UEFA-s.
Më 22 prill të vitit 2027, në Kongresin e 51-të të UEFA-së, në Astana të Kazakistanit, do të mbahen Zgjedhjet për numrin një të Konfederatës evropiane.
Të premten, propozimin e Dukës e ka mbështet edhe Kryetari i Federatës së Futbollit të Kosovës, Agim Ademi, përmes një njoftimi në Facebook.
“Bashkë me Armand Dukën, presidentin e FSHF-së dhe zv/Presidentin e UEFA-s në përkrahje të Aleksandër Çeferinit edhe për një mandat tjetër në krye të UEFA-s.
Vendimi për mbështetjen e Çeferinit u mor në nivel federatash, në takimin e përbashkët për strategjinë e futbollit kombëtar”, ka shkruar kryetari i FFK-së, Ademi.
Çeferini, megjithëse kishte thënë se nuk do të rikandidonte më në krye të UEFA-së, do të synoj mandatin e katërt në krye të futbollit evropian, duke qenë udhëheqës i saj që nga viti 2016.
