Njësiti i Hetimeve të Përgjithshme i Policisë së Kosovës në Prishtinë e ka arrestuar një 33-vjeç të dyshuar për vjedhje të rëndë të ndodhur më 1 tetor të këtij viti, raporton teve1.info
Lajmin për teve1 e ka konfirmuar zëdhënësja e Policisë për Rajonin e Prishtinës, Flora Ahmeti e cila tha se e dyshuara me vendim të prokurorit është dërguar në mbajtje.
“Sot nga Njësiti i Hetimeve të Përgjithshme në Prishtinë, është arrestuar një person i dyshuar për një rast vjedhje e rëndë që është raportuar me datën 01.10.2023.
Puna e hetuesve policor, është finalizuar sot, ku pas marrjes së disa veprimeve operative kanë arrit që të identifikojnë dhe të arrestojnë të dyshuarën:
– N.K. femër, 33 vjeçare, shtetase e Republikës së Kosovës.
E dyshuara me vendim të prokurorit të shtetit është dërguar në mbajtje, ndërkohë që hetuesit e stacionit policor po kryejnë veprimet e nevojshme hetimore lidhur me rastin”, ka thënë Ahmeti.
