Drejtori i parë i kësaj policie, Sheremet Ahmeti ka rrëfyer vështirësitë që i kishte kjo polici në vitet e para të funksionimit të saj.
Fillimisht si zv/komisar i policisë së UNMIK-ut e më pastaj edhe si drejtor i Policisë së Kosovës, Ahmeti udhëhoqi një polici të re në një vend me shumë probleme që i trashëgoi nga lufta.
Ndonëse konsiderohet prej institucioneve më të besueshme, Ahmeti thotë se qytetarët nuk i besonin edhe aq policisë pas luftës.
“Qytetarët e Kosovës kanë qenë ju e dini të zhgënjyer dhe të maltretuar nga ish- policia e regjimit të Millosheviqit dhe ka qenë e vështirë t’i bindësh qytetarët që policët e vendit janë në shërbim të saj”, ka thënë Ahmeti.
Megjithatë problem shumë më i madh për policinë në Kosovë, sipas tij ishte që të bëhej e pranueshme nga serbët lokal.
“Popullata e asaj pjese të Kosovës kanë refuzuar ta pranojnë policinë e Kosovës si agjencion, institucion të vendit sepse strukturat paralele menjëherë pas 99 kanë qenë të angazhuara nga Serbia dhe mjaft të fuqishme, të cilat struktura i ka njoft ajo popullatë dhe u dasht shumë kohë dhe mund të punohet që ato struktura gradualisht të largohen”, ka thënë drejtori i parë i PK-së.
E për gardianët e zbatimit të rendit dhe ligjit po kërkohen kushte më të mira.
“ Nuk ka sigurim shëndetësor, nuk ka sigurim jetësor, rroga është e vogël edhe duhet sa më shpejt, sa më shpejt të bëhet sigurimi shëndetësor, pensioni invalidor, pensioni i hershëm ashtu siç e ka FSK-ja”, ka thënë Shaban Tasholli – ish-sekretar i sindikatës së Policisë së Kosovës.
Ndryshe të martën u shënua edhe 23-vjetori i themelimit të Policisë së Kosovës përmes një ceremonie ku morën pjesë edhe liderët e shtetit.
Kronika e realizuar nga Gojart Jashari
