Autoritetet hungareze kanë zbuluar 17,7 milionë euro të fshehura në pyje, magazina, ndërtesa bujqësore dhe banesa private si pjesë e hetimit për korrupsion ndaj ish-ministrit tashmë të arrestuar të Zhvillimit hungarez, Miklos Sesztak.
Agjencia Kombëtare për Rikuperimin dhe Mbrojtjen e Pasurive (NVVH) njoftoi se kontrollet u zhvilluan të enjten dhe të premten në disa lokacione, ku u gjetën 5 miliardë e 71 milionë e 632 mijë forinta hungareze, 2 milionë e 658 mijë e 350 euro dhe 1 milion e 257 mijë dollarë amerikanë.
Një pjesë e tyre ishte vendosur gjithashtu në një kasafortë me vlerë të lartë, në një zonë të izoluar.
Në qendër të hetimeve është Miklos Sesztak, i cili ka mbajtur postin e ministrit të Zhvillimit të Hungarisë nga viti 2014 deri në vitin 2018, gjatë qeverisjes së Viktor Orbanit.
Ish-ministri dyshohet se ka marrë ryshfete në një çështje që lidhet me blerjen e autobusëve të përdorur nga kompania shtetërore e transportit, të cilët dyshohet se janë blerë me çmime të fryra. Sesztak është arrestuar dhe ndodhet në paraburgim.
