Autore: Jona Kelmendi
Me çanta në krah dhe të buzëqeshur, po hyn një nga një brenda dyerve të shkollës.
Pas plotë 18 ditësh pushim janë rikthyer këtë të hënë në bankat shkollore për të rifilluar gjysmëvjetorin e dytë.
Pasi që reshjet e dendura dhe vërshimet e ditëve të fundit kanë detyruar shtyrjen e procesit mesimor i cili do duhej të fillonte me 8 janar.
Vendimi ky i cili u mor në nivel vendi nga Ministria e Arsimit.
Nga Drejtoria e Arsimit thonë se shkollat në kryeqytet kanë qenë të gatshme për fillimin e mësimit me 8 janar.
“Ne kemi pasë gjithçka të gatshme që procesi mësimor të filloj me datën 8 janar ashtu edhe siç ka qenë e planifikuar në kalendar, mirëpo për shkak të kushteve të përkëqsuara të motit dhe vështirësit për me parashiku se si do të rrjedhin gjërat edhe në disa shkolla, kryesisht në komuna të tjera, u mor vendim nga ministria që të mos filloj me daten 8. Gatishmëria jon ka qenë që të filloj mëherët mirëpo duke qenë së patem një vëndim ne nivel vendi nga ana e ministris atëherë edhe ne e zbatuam të njëjtin”, tha Samir Shahini – drejtor i Arsimit në Prishtinë.
Mirëpo a kanë pësuar dëme objektet shkollore në Prishtinë?
“Ne gjatë fundjavës kemi qenë në kontakt me drejtor të shkollave dhe me drejtorin për siguri dhe emergjenca për të parë nëse ka nevojë për intervenime në ndonjërën prej objekteve shkollore nga vërshimet e mundshme, fatmirësisht nuk kemi pas dëme në asnjërën prej objekteve shkollore më përjashtim të hyrjes së ujit në dy oborre të shkollave në lagjen Hajvalia në ‘’Afrim Gashi’’ dhe shkollën ‘’Shkëndija’’ përjashto këto dy raste ne në shkolla të tjera kemi pas një gjendje stabile sa i përket vërshimeve”, shprehet Shahini.
Edhe në shkollën “Shkëndija” në Hajvali të Prishtinës, mësimi ka nisur sipas orarit, pavarësisht një problemi të vogël teknik.
“Sot kemi startu me fillimin e procesit mësimor të gjysmëvjetorit të dytë, kemi startu shumë mirë nuk kemi pasë ndonjë problem, procesi është duke shku me rregull sipas orarit mësimor. Kemi pasë një problem të vogël po duke ju falenderu emergjencës komunale, është evitu dhe nuk na ka shkaktu ndonjë problem që sot me startu. Uji ka deportu tek nxemja por menjëherë i kemi ftu organet kompetente sa i përket asaj pjese është evitu dhe gjithçka pastaj ka qenë në rregull”, u shpreh Minire Berisha- drejtoresh e shkollës.
Nga Komuna e Prishtinës përmes një njoftimi në facebook kanë treguar që është siguruar një ambient i sigurt për nxënësit dhe stafin arsimor.
