Kompania rajonale e ujësjellësit “Mitrovica” ka njoftuar të gjithë konsumatorët e saj se uji mund të përdoret edhe për pije.
Kjo kompani ka njoftuar se janë kryer të gjitha analizat dhe se rezultati tregon se uji mund të përdoret pa asnjë kufizim.
“Ju njoftojmë se, pas kryerjes së të gjitha analizave fiziko-kimike dhe bakteriologjike të ujit të pijshëm nga sistemi i furnizimit me ujë i Ujësjellësit Rajonal Mitrovicë, rezultatet e marra tregojnë se të gjithë parametrat janë brenda kritereve të përcaktuara sipas legjislacionit në fuqi për ujin e pijshëm. Bazuar në këto rezultate, uji është i sigurt dhe mund të përdoret pa asnjë kufizim për pije dhe përdorim shtëpiak”, thuhet në njoftim.
Për shkak të turbullirave në Ibër Lepenc si pasojë e reshjeve të shiut, për disa ditë banorët e që furnizohen me ujë nga KRU “Mitrovica” ishin këshilluar që ujin mos ta përdorin për pije.
