Kombëtarja e Kosovës sonte luan një nga ndeshjet më të rëndësishme, ku përballet me kombëtaren e Sllovenisë, në kualifikueset e Kampionatit Botëror.
Selektori Franco Foda ka bërë listën finale, ku ka përgjedhur 23 futbollistët të cilët do të jenë të pranishëm në takim.
Ai ka larguar katër futbollistë, Leard Sadriu, Lindon Emërllahu, Meriton Korenica dhe Baton Zabërgja, të cilët do ta ndjekin ndeshjen nga tribunat.
Ndeshja zhvillohet në stadiumin “Stozhice”, në Ljublanë, më fillim nga ora 20:45.
Kosovës i mjafton një pikë për të siguruar play-offin, derisa nëse arrin fitore do të jetë në garë për vendin e parë, ku ndeshjen e fundit do të përballet me Zvicrën, e cila është kundërshtare direkte.
