Artan Nimani nga Nisma Socialdemokrate, ka deklaruar se Lëvizja Vetëvendosje nuk bënë përpjekje serioze për zhbllokimin e ngërçit politik, pasi sipas tij nuk ka pasur takime me partitë opozitare që t’i realizoj interesat partiake.
Ai ka theksuar se sipas vendimit të Gjykatës Supreme, qeveria aktuale është e paligjshme, por pavarësisht kësaj, vazhdon të qëndrojë në zyrë pa e ditur nëse po vepron drejt apo gabim në hapat e saj politikë.
Duke komentuar rolin e presidentes, Vjosa Osmani, Nimani u shpreh se ajo nuk po vepron në përputhje me Kushtetutën, por po shfaqet më shumë si “fallxhore që lexon filxhanin” sesa si presidente që mbron Kushtetutën e vendit.
Në fund, ai konfirmoi se Nisma nuk do ta votojë Glauk Konjufcën për kryeministër.
“Nuk ka përpjekje serioze për zhbllokimin e këtij ngërçit, sepse s’ka pasur takime me partitë që t’i realizoj interesat, mendoj që nuk është në pyetje këtu emri i përveçëm i Kurtit, por është në pyetje logjika politike e LVV-së. Ne kemi një qeveri që rrinë në zyre që sipas Gjykatës Supreme është e paligjshme, mirëpo megjithatë e ka një qëndrim që realisht nuk e din a po bënë mirë, a po bënë keq në rast se bënë veprime të tilla. Nuk shoh as një mundësi të tejkalimit dhe të votimit të proceseve që janë kaq të rëndësishme për Kosovën. LVV më shumë po përpiqet që të paraqitet si viktimë para qytetarëve dhe të del në zgjedhje se unë po bëjë kompromis. Gjithë kemi pritur që presidentja të jetë president, jo të arsyetoi thënien e katër viteve me radhë që është një notere e Kurtit, mendoi që edhe vet ajo ka rënë në një situatë të palakmueshme në raport me kërkesat e qytetarëve, presidentja më shumë më është dukur si një fallxhore që po lexon filxhan, sa Kushtetutën e Kosovës, sepse nuk mund ta thotë ajo besoj që ka gjasa, nuk duhet të shkojë me gjasa, nuk mandatohet dikush me gjasa, por me fakte dhe dëshmi që kemi mundësi që ta zgjedhim Qeverinë… Nuk do të ketë votë Nisma për Konjufcën për kryeministër”, ka deklaruar Nimani në emisionin “Ditari” në Tëvë1./teve1.info/
