400 artikuj tekstili të dyshuar për falsifikim janë sekuestruar nga Dogana e Kosovës të martën në një subjekt afarist në Gjilan.
Sipas njoftimit, kontrolli është ndërmarrë si rezultat i konfiskimeve të mëhershme të mallrave me marka tregtare të falsifikuara, të cilat thuhet se përbëjnë shkelje të të drejtave të pronësisë intelektuale.
Për artikujt e sekuestruar bëhet e ditur se ekziston dyshimi i bazuar se janë produkte që cenojnë markat tregtare të mbrojtura me DPI.
“Dogana e Kosovës mbetet e përkushtuar në luftën kundër falsifikimit dhe mbrojtjen e tregut nga produktet që cenojnë të drejtën e ligjshme të pronarëve të markave tregtare, duke kontribuar kështu në sigurinë ekonomike dhe mbrojtjen e konsumatorëve”, thuhet në njoftim.
