Polica ka dhënë detaje shtesë për plagosjen e Prizren- ky dy persona kanë raportuar se janë sulmuar me mjete të forta si dhe me armë zjarri nga tetë persona tjerë.
Siç raporton policia, dy nga ta kanë pranuar tretman mjekësor, ku njëri nga ta me pas është liruar.
Tutje, bëhet e ditur se në vend të ngjarjes janë gjetur dhe konfiskuar tre gëzhoja të armës si dhe është kryer bastisje në dy lokacione ku edhe është arrestuar një person.
“Prizren 22.05.2024, 19:26. Viktima mashkull kosovar, ka raportuar se derisa ishte së bashku me dy viktimat meshkuj kosovarë, pas një mosmarrëveshje janë sulmuar me mjete të forta si dhe me armë zjarri, nga tetë të dyshuar meshkuj kosovarë. Dy nga viktimat kanë pranuar tretman mjekësor dhe më pas njëri nga ta është liruar, ndërsa tjetri është transferuar për trajtim të mëtutjeshëm. Në vendin e ngjarjes në dy lokacione janë gjetur dhe konfiskuar tre gëzhoja.
Me vendim të prokurorit është bërë bastisja në dy lokacione, ku gjatë kontrollit është hasur dhe arrestuar njëri nga të dyshuarit meshkuj kosovarë, po ashtu është hasur dhe një kamionetë që dyshohet se është përdorur në kryerjen e veprës ku brenda saj janë gjetur dhe konfiskuar 37 fishekë që dyshohet të jenë të armës. Pas intervistimit me vendim të prokurorit i dyshuari është dërguar në mbajtje”, thuhet në raport.
