Anëtarja e Lidhjes Demokratike të Kosovës, Shqipe Pantina, ka thënë se nuk sheh vullnet nga Kosova dhe Serbia që të arrijnë një marrëveshje në vitin 2024.
Sipas saj, edhe Kurtit edhe Vuçiqit po i konvenon kjo situatë për ta ruajtur pushtetin e tyre.
“Për tu arritur një marrëveshje duhet vullnet dhe kjo nuk po shihet nga asnjëra palë. Serbisë normal qe i konvenon zgjatja që të zgjatet sa më shumë konflikti e sidomos Vuçiqit se pse kjo e mban në pushtet. E kjo si duket po i konvenon edhe kryeministrit Kurti pasi ka dështuar në qeverisje”, ka thënë Pantina në emisionin “InfoNata” në Tëvë 1.
E pyetur për deklaratën e Kurtit se ka shprehur gatishmëri për nënshkrim të marrëveshjes, ajo tha se Kurti duhet të bëjë hapat konkret që i kërkohet nga partnerët tash e tri vite, themelimi i Asociacionit e pastaj të të “ulën për një marrëveshje përfundimtare”.
Duke folur për mundësinë e zgjedhjeve të parakohshme, ajo ka thënë se Kurti është personi i vetëm që mund të qojë vendin në zgjedhje.
Ajo ka thënë se kjo do të ndodhte nëse matjet e opinionit publik e qesin keq LVV-në dhe Kurti me ndonjë vendim popullit do ta dërgonte vendin në zgjedhje.
“Kryeministri ka dy mundësi, ose të fillojë me hapa për formimin e Asociacionit ose ta qojë vendin në zgjedhje, ndonëse kjo e dyta mund të duket më e afërt, sepse ai çdo ditë po e humbë mbështetjen”
Pantina ka thënë se Lidhja Demokratike e Kosovës është e gatshme për zgjedhje dhe se është shumë mirë se sa rezultatet e disa sondazheve.
